6 просмотров
Рейтинг статьи
1 звезда2 звезды3 звезды4 звезды5 звезд
Загрузка...

Пасхальный тропарь христос воскресе

Молитвы и акафист Святой Пасхе

ТРОПАРЬ И КОНДАК КО СВЯТОЙ ПАСХЕ

Тропарь Воскресению Христову, глас 5

Христос воскресе из мертвых, смертию смерть поправ, и сущим во гробех живот даровав.

Пасхальный кондак, глас 8

Аще и во гробе снизшел еси, Безсмертне, но адову разрушил еси силу, и воскресл еси, яко Победитель, Христе Боже, женам мироносицам вещавый: радуйтеся, и Твоим Апостолом мир даруяй, падшим подаяй воскресение.

ВОСКРЕСНАЯ ПЕСНЬ

Воскресение Христово видевше, поклонимся святому Господу Иисусу, Единому безгрешному. Кресту Твоему покланяемся, Христе, и святое воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову воскресению: се бо прииде Крестом радость всему миру. Всегда благословяще Господа, поем воскресение Его: распятие бо претерпев, смертию смерть разруши.

МОЛИТВА СВЯТОЙ ПАСХЕ

Пасхальная молитва обычно читается в конце акафиста Пасхи.

О, Священнейший и Величайший Свете Христе, Возсиявый всему миру паче солнца в Воскресении Твоем! В сей пресветлый и преславный и спасительный лень Святыя Пасхи, ликуют вси ангели на небеси и всяка тварь веселится и радуется на земли и всякое дыхание прославляет Тя, Творца своего. Днесь отверзошася райския врата, и свободишася умершия я во ад сошествием Твоим. Ныне вся исполнишася света, небо же земля и преисподняя. Да приидет убо Твой свет и в наши мрачныя души и сердца и да просветит нашу тамо сущую нощь греха, да и мы сияти будем светом правды и чистоты в пресветлыя дни Воскресения Твоего, яко же новая тварь о Тебе. И тако просвещеннии Тобою изыдем свещеноснии во сретении Твое, исходящему Тебе из гроба, яко Жениху. И яко возвеселил еси в пресветлый день сей явлением Своим святых дев зело заутра с миры ко гробу Твоему пришедших, тако и ныне просвети нощь глубокую страстей наших и возсияй нам утро безстрастия и чистоты, да узрим Тя сердечными очесы краснаго паче солнца Жениха своего и да услышим паки вожделенный глас Твой: Радуйтеся! И тако вкусивши Божественныя радости Святыя Пасхи еще зде на земли, да будем причастницы Твоея вечныя и великия Пасхи на небесех в невечернем дни Царствия Твоего, идеже будет веселие неизреченное и празднующих глас непрестанный и неизреченная сладость зрящих Лица Твоего доброту неизреченную. Ты бо еси Истинный свет просвещаяй и освещаяй всяческая, Христе Боже наш, и Тебе слава подобает во веки веков. Аминь.

АКАФИСТ СВЯТОЙ ПАСХЕ

Кондак 1

Избранный от дней — сей нареченный и святый день, праздников Праздник и Торжество есть торжеств, воньже Христос воскресе тридневен от гроба, ад пленивый и человеки воскресивый, Его же прославляюще да зовем вси: Христос воскресе, смерть поправый, людие веселитеся.

Икос 1

Ангели, Христе Спасе, днесь поют на небесех Твое из мертвых Воскресение, и нас на земли сподоби чистым сердцем Тебе с радостию славити и пети:
Христос воскресе, — Ангели ликовствуйте на небеси.
Христос воскресе, — людие торжествуйте на земли.
Христос воскресе, — воскликните Господеви вся земля.
Христос воскресе, — воспойте Богу нашему новую песнь.
Христос воскресе, — праведницы днесь да возвеселятся.
Христос воскресе, — врата адовы днесь да расточатся.
Христос воскресе, — смерть поправый, людие веселитеся.

Кондак 2

Видевше воскресшаго Сына Своего и Бога, Богоблагодатная Чистая, Едина добрая в женах и Непорочная, и еже радуйся слышавши от Него первая, всех радость восприя, Богомати Всенепорочная, и радующеся, в сердце своем возгласи: Аллилуиа.

Икос 2

Разумно небеса да веселятся, земля же да радуется, да празднует же мир весь, видимый же и невидимый, востание Христово, поюще Ему:
Христос воскресе, — веселие вечное.
Христос воскресе, — скорби уже да не будет ктому.
Христос воскресе, — да празднует убо вся тварь.
Христос воскресе, — вся поднебесная да радуется с нами.
Христос воскресе, — днесь спасение миру.
Христос воскресе, — днесь Солнце красное из гроба всем возсия.
Христос воскресе, смерть поправый, людие веселитеся.

Кондак 3

Силою Божественною Адама праотца спасый, смертное жилище Своею смертию днесь разори, и вся Божественными блистаньми Воскресения озари, возбудил еси мертвыя от века, Христе Спасе наш, начаток усопшим быв, да слышит от всех: Аллилуиа.

Икос 3

Имея безмерное благоутробие, снисшедый с небеси и воплотивыйся паче ума, Христос Бог наш сниде в преисподняя земли, и воздвиже с Собою Адама, и вси адовыми узами содержимии зряще, к свету идяху, Христе, веселыми ногами, Пасху хваляще вечную сице:
Христос воскресе, — где твоя, аде, победа?
Христос воскресе, — где твое, смерте, жало?
Христос воскресе, — мертвый ни един во гробе.
Христос воскресе, — жизнь да жительствует ныне.
Христос воскресе, — пленися ад, дерзайте мертвии.
Христос воскресе, — гробы отверзошася, возстаните от ада.
Христос воскресе, — смерть поправый, людие веселитеся.

Кондак 4

Буря скорби уже ныне преста, женский же лик со ароматы притече зело заутра ко гробу Жизнодавца, взыскующе прежде солнца Солнце зашедшее иногда во гроб, пречистаго же тела Твоего, Христе, не обретоша глаголаху: кто взят мертва, нага и погребенна? Светоноснаго же Ангела зряще на гробе седяша, со страхом возопиша Богу: Аллилуиа.

Икос 4

Слышаху от Ангела мироносицы девы: Что ищите Живаго с мертвыми? Что плачите Нетленнаго во тли? Радующеся же, поклонишася Живому Богу, Пасху тайную уразумевше, и друга ко друзей вопияху весело:
Христос воскресе, — Пасха велия нам днесь возсия.
Христос воскресе, — рыдания время нам ныне преста. Христос воскресе, — днесь Евино осуждение разрешися.
Христос воскресе, — днесь плач наш, на радость преложися.
Христос воскресе, — вместо мира песнь принесем Владыце.
Христос воскресе, — вместо слез — очистим чувствия и Его узрим.
Христос воскресе, смерть поправый, людие веселитеся. .

Кондак 5

Боголепно воскресшу Христу из мертвых, Магдалина Мария притече ко гробу Жизнодавца, видев же, яко камень отвален бе от гроба, с плачем глагола селящим Ангелом: Где убо скрыся Вечный Живот? Или Господа моего дадите, или со мною Емуже вси с верою возопийте: Аллилуиа.

Икос 5

Видевше Христа Магдалина у гроба, яко вертоградаря, Того вопроси глаголя: Повеждь ми, где положил еси Его, да аз возьму Его? Познавше же Воскресение Твое, Христе, всему миру тако благовести:
Христос воскресе, — жены престаните от слез.
Христос воскресе, — девы внидите в радость Господа своего.
Христос воскресе, — Апостоли радостию Божественною взыграйте.
Христос воскресе, — людие вси насладитеся сего добраго торжества.
Христос воскресе, — первии и последнии день почтите.
Христос воскресе, богатии и убозии друг с другом ликуйте.
Христос воскресе, смерть поправый, людие веселитеся.

Кондак 6

Проповедницы девы девственнику благовести, яко Жизнодавец Господь днесь от гроба возсия. Тойже, скоро возстав, притече ко гробу скорее Петра и приник внутрь, виде ризы едины лежащия. И вниде во гроб и виде и верова. И еще не видев Христа телесныма очима, увиде Его сердечною любовию и с верою возопи Ему: Аллилуиа.

Икос 6

Возсия Христос из гроба, явися прежде женам, яко теплую любовь явиша Ему у Креста. Видев же Петра, в скорби ко гробу пришедша, явися Ему, яко милосерд, прежде других ученик. Той же радости неизреченныя исполнився, всему миру тако благовести:
Христос воскресе, — днесь падшим подадеся воскресение.
Христос воскресе, — днесь всему миру возвестися спасение.
Христос воскресе, — днесь овцы заблуждшия ко Пастырю возвратитеся.
Христос воскресе, — днесь людие Божии от печали свободитеся.
Христос воскресе, — радуйтеся вси радостию неизреченною.
Христос воскресе, — целуйте друг друга лобзанием святым.
Христос воскресе, смерть поправый, людие веселитеся.

Кондак 7

Хотяй Жизнодавец Господь исполнити весь мир радости Воскресения своего, посла жены возвестити Апостолом, яко возста умертвивый смерть, тии же Ангелы светлостию душ удививше, веселыми ногами ко Апостолом течаху, глаголюще: Воистину Христос воскресе и живет во веки, с радостию воспойте Ему: Аллилуиа.

Икос 7

Дивную радость Воскресения Твоего, Христе, Апостоли от святых жен с радостию восприявше, яко волею за всех заклан был еси, живое и жертвенное заколение, яко единолетный агнец, Пасха чистительная, и тако всему миру благовестиша:
Христос воскресе, — Новая Пасха.
Христос воскресе, — Жертва живая.
Христос воскресе, — Агнец Божий вземляй грехи мира.
Христос воскресе, — язвою Своею всех исцеливый.
Христос воскресе, — днесь всяка тварь веселится и радуется.
Христос воскресе, — днесь Церковь Божия торжествует и празднует.
Христос воскресе, смерть поправый, людие веселитеся.

Кондак 8

Страшное таинство и преславное Воскресения Твоего, Христе, яко возстав от мертвых, не разрушил еси печатей гроба, яко же врата Девы не разверзл еси в Рождестве твоем. Ныне же в Воскресении Своем отверзл еси нам райския врата, да с разбойником внидем с Тобою в Чертог, поюще Тебе, яко Богу: Аллилуиа.

Икос 8

Всем верным, Христе, Пасха Священная нам днесь возсия, и всем отверзл еси нам райския врата, да вси пойдем к свету Воскресения Твоего, яко Богосветлая светила, от запада, севера и юга, и востока чада Твоя, Пасху благословяще вечную тако:
Христос воскресе, — прощение от гроба нам всем возсия.
Христос воскресе, — избавление от скорби всем верным наста.
Христос воскресе, — вси насладитеся сего пира веры.
Христос воскресе, — вси восприимите богатство благодати.
Христос воскресе, — никтоже да плачет прегрешений.
Христос воскресе, — никтоже да убоится смерти.
Христос воскресе, смерть поправый, людие веселитеся.

Кондак 9

Вся ныне исполнишася света, небо же и земля и преисподняя: небо, яко восходит ко Отцу Жизнодавец Господь, земля-же, яко возсия из гроба Солнце красное днесь, преисподняя-же, яко сниде в тамо сущий мрак Единородный Божий Сын, вся исполняяй неописанный. Да поклонится Ему вся земля, да празднует возстание Его вся тварь, поюще Ему: Аллилуиа.

Икос 9

Ветия Божественный Исаия да станет с нами и покажет, како предзре светоносный день Воскресения Твоего, ясно глаголюще о Тебе, Христе: Пожерта будет смерть победою и воскреснут мертвии и возстанут, иже во гробех. Мы же, образов сбытие зряще, веселимся божественне, поюще Тебе:
Христос воскресе, — днесь смерти празднуем умерщвление.
Христос воскресе, — днесь вечнаго жития возвещаем начало.
Христос воскресе, — днесь весна благоухает и новая тварь ликует.
Христос воскресе, — днесь отгнася мрачная буря греха и новые людие церковнии торжествуют.
Христос воскресе, — древняя мимоидоша, и се быша вся нова.
Христос воскресе, — небо днесь отверсто и узрит всяка плоть Лице Его.
Христос воскресе, смерть поправый, людие веселитеся.

Кондак 10

Спасти хотяй всяческая, с нами неложно обещался еси быти, Христе, до скончания века сего. Сему Божественному Твоему гласу внемлюще, утверждение же надежды имуще, радуемся Воскресению Твоему, поюще Тебе яко Богу: Аллилуиа.

Икос 10

Царя Христа узрев из гроба яко Жениха происходяща, жены с миры богомудрыя вслед Тебе течаху. Мы же свещи носяще, изыдем во сретение Жениху и спразднуем с любопразднственными чинми Пасху Божию спасительную, ясно глаголюще Ему сице:
Христос воскресе, — исходите, яко девы, во сретение Жениху.
Христос воскресе, — грядите свещеноснии, со светильники ко Христу.
Христос воскресе, — исполните души ваши Божественныя красоты.
Христос воскресе, — возжгите свещи своя от елея чистоты.
Христос воскресе, — возвеселимся Божественно яко с нами Жених.
Христос воскресе, — возрадуемся пресветло, яко уготовися невесте Чертог.
Христос воскресе, смерть поправый, людие веселитеся.

Кондак 11

Пение всерадостное вместо мира днесь принесем и всепразднственное настоящее торжество совершим в сию священную и спасительную и светозарную нощь, в нейже безлетный Свет из гроба плотски всем возсия, юже, яко провозвестницу светоноснаго дне невечерняго Царствия Твоего, Христе, ублажаем и поем, вопиюще Тебе: Аллилуиа.

Икос 11

Свет неизмеримый всем во тьме сидящим нам днесь возсия паче солнца светлее из гроба Твоего, Христе, вселенную всю просвети, сего ради ликуют мира концы, веселящеся же поет Христова Церковь, прославляюще Воскресение Твое:
Христос воскресе, — воистину священна и светозарна сия спасительная нощь!
Христос воскресе, — воистину праздников праздник сей нареченный и святый день!
Христос воскресе, — ликуй ныне и веселися Сионе Святый.
Христос воскресе, — светися и красуйся ныне Церковь Божия.
Христос воскресе, — слава бо Господня на Тебе возсия.
Христос воскресе, — радость вечная исполни вся чада Твоя.
Христос воскресе, — смерть поправый, людие веселитеся.

Читать еще:  Пасха поделки своими руками детский сад

Кондак 12

Благодать веселую Твою, Христе, всем верным туне источил еси днесь в нарочитый день Воскресения Твоего, егоже преславно сотворил еси. Приидите возрадуемся и возвеселимся в онь, Божественнаго веселия Царствия Христова приобщимся, поюще Ему, яко Богу: Аллилуиа.

Икос 12

Поюще всесветлое Твое, Христе, Воскресение, поклонимся Тебе Воскресшему, и с верою и любовию к Твоим стопим припадем и едиными усты Тебе, яко братия, возопием:
Христос воскресе, — радостию друг друга обымем.
Христос воскресе, — и ненавидящим нас простим.
Христос воскресе, — вся чувствия внутрь себе очистим.
Христос воскресе, — лобзаем друг друга лобзанием святым.
Христос воскресе — во дворы Твоя с пением внидем.
Христос воскресе — в дому Твоем во вся светлыя дни пребудем.
Христос воскресе, смерть поправый, людие веселитеся.

Кондак 13

О, Пасха Велия и священнейшая, Христе, о, Мудросте и Слове Божий и Сило! Вместо мира песнь сию нашу приими, и яко Бог Крепкий совозстави нас и обожи, да сподобимся истее Тебе причащатися в невечернем дни Царствия Твоего на небеси и тамо со всеми святыми воспевати Тебе будем: Аллилуиа.

(Этот кондак читается трижды, затем икос 1 и кондак 1)

Икос 1

Ангели, Христе Спасе, днесь поют на небесех Твое из мертвых Воскресение, и нас на земли сподоби чистым сердцем Тебе с радостию славити и пети:
Христос воскресе, — Ангели ликовствуйте на небеси.
Христос воскресе, — людие торжествуйте на земли.
Христос воскресе, — воскликните Господеви вся земля.
Христос воскресе, — воспойте Богу нашему новую песнь.
Христос воскресе, — праведницы днесь да возвеселятся.
Христос воскресе, — врата адовы днесь да расточатся.
Христос воскресе, — смерть поправый, людие веселитеся.

Кондак 1

Избранный от дней — сей нареченный и святый день, праздников Праздник и Торжество есть торжеств, воньже Христос воскресе тридневен от гроба, ад пленивый и человеки воскресивый, Его же прославляюще да зовем вси: Христос воскресе, смерть поправый, лю-дие веселитеся.

Песнопения Святой Пасхи — Светлого Христова Воскресения

Начальная стихира Воскресная, глас 6:

Воскресе́ние Твое́, Христе́ Спа́се, / А́нгели пою́т на небесе́х, / и нас на земли́ сподо́би / чи́стым се́рдцем / Тебе́ сла́вити.

Тропарь Пасхи, во глас 5:

Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в.

Пасхальное начало:

Первый стих: Да воскре́снет Бог, / и расточа́тся врази́ Его́.

И на кийждо стих поем тропарь: Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (единожды).

Вторый стих: Я́ко исчеза́ет дым, / да исче́знут.

Христо́с воскре́се: (единожды).

Третий стих: Та́ко да поги́бнут гре́шницы от Лица́ Бо́жия, / а пра́ведницы да возвеселя́тся.

Христо́с воскре́се: (единожды).

Четвертый стих: Сей день, его́же сотвори́ Госпо́дь, / возра́дуемся и возвесели́мся в онь.

Христо́с воскре́се: (единожды).

Слава: Христо́с воскре́се: (единожды).

И ныне: Христо́с воскре́се: (единожды).

Таже вышшим гласом: Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в.

Кондак, глас 8:

А́ще и во гроб снизше́л еси́, Безсме́ртне, / но а́дову разруши́л еси́ си́лу, / и воскре́сл еси́, я́ко победитель, Христе́ Бо́же, / жена́м мироно́сицам веща́вый: ра́дуйтеся, / и Твои́м апо́столом мир да́руяй, / па́дшим подая́й воскресе́ние.

Задостойник Пасхи:

А́нгел вопия́ше Благода́тней: / Чи́стая Де́во, ра́дуйся! / И па́ки реку́: ра́дуйся! / Твой Сын воскре́се / тридне́вен от гро́ба, / и ме́ртвыя воздви́гнувый, / лю́дие, весели́теся.

Свети́ся, свети́ся, / но́вый Иерусали́ме, / сла́ва бо Госпо́дня / на тебе́ возсия́. / Лику́й ны́не / и весели́ся, Сио́не. / Ты же, Чи́стая, красу́йся, Богоро́дице, / о воста́нии Рождества́ Твоего́.

Стихиры Пасхи. Глас 5.

Стих: Да воскре́снет Бог, / и расточа́тся врази́ Его́.

Па́сха / свяще́нная нам днесь показа́ся; / Па́сха но́ва свята́я; / Па́сха та́инственная; / Па́сха всечестна́я. / Па́сха Христо́с Изба́витель; / Па́сха непоро́чная; / Па́сха вели́кая; / Па́сха ве́рных. / Па́сха две́ри ра́йския нам отверза́ющая. / Па́сха всех освяща́ющая ве́рных.

Стих: Я́ко исчеза́ет дым, / да исче́знут.

Прииди́те / от виде́ния жены́ благове́стницы, / и Сио́ну рцы́те: / приими́ / от нас ра́дости благове́щения, Воскресе́ния Христо́ва: / красу́йся, лику́й / и ра́дуйся, Иерусали́ме, / Царя́ Христа́ узре́в из гро́ба, / я́ко жениха́ происходя́ща.

Стих: Та́ко да поги́бнут гре́шницы от Лица́ Бо́жия, / а пра́ведницы да возвеселя́тся.

Мироно́сицы жены́, / у́тру глубоку́, / предста́вша гро́бу Живода́вца, / обрето́ша А́нгела / на ка́мени седя́ща, / и той провеща́в им, / си́це глаго́лаше: / что и́щете Жива́го с ме́ртвыми; / что пла́чете Нетле́ннаго во тли? / Ше́дше, пропове́дите ученико́м Его́.

Стих: Сей день, его́же сотвори Госпо́дь, / возра́дуемся и возвесели́мся в онь.

Па́сха кра́сная, / Па́сха, Госпо́дня Па́сха! / Па́сха всечестна́я / нам возсия́. Па́сха, / ра́достию друг дру́га обы́мем. / О Па́сха! / Избавле́ние ско́рби, / и́бо из гро́ба днесь, / я́ко от черто́га / возсия́в Христо́с, / жены́ ра́дости испо́лни, глаго́ля: / пропове́дите апо́столом.

Слава, и ныне, глас 5:

Воскресе́ния день, / и просвети́мся торжество́м, / и друг дру́га обы́мем. / Рцем бра́тие, / и ненави́дящим нас, / прости́м вся Воскресе́нием, / и та́ко возопии́м: / Христо́с воскре́се из ме́ртвых, / сме́ртию смерть попра́в, / и су́щим во гробе́х живо́т дарова́в.

Иже во святых отца нашего Иоанна, Архиепископа Константинопольскаго, Златоустаго, слово Огласительное во святый и светоносный день преславнаго и спасительнаго Христа Бога нашего Воскресения.

А́ще кто благочести́в и боголюби́в, да наслади́тся сего́ до́браго и све́тлаго торжества́. А́ще кто раб благоразу́мный, да вни́дет ра́дуяся в ра́дость Го́спода своего́. А́ще кто потруди́ся постя́ся, да восприи́мет ны́не дина́рий. А́ще кто от пе́рваго часа́ де́лал есть, да прии́мет днесь пра́ведный долг. А́ще кто по тре́тием часе́ прии́де, благодаря́ да пра́зднует. А́ще кто по шесто́м часе́ дости́же, ничто́же да сумни́тся, и́бо ничи́мже отщетева́ется. А́ще кто лиши́ся и девя́таго часа́, да присту́пит, ничто́же сумня́ся, ничто́же боя́ся. А́ще кто то́чию дости́же, и во единонадеся́тый час, да не устраши́тся замедле́ния: любочести́в бо Сый Влады́ка, прие́млет после́дняго я́коже и пе́рваго: упокоева́ет в единонадеся́тый час прише́дшаго, я́коже де́лавшаго от пе́рваго часа́. И после́дняго ми́лует, и пе́рвому угожда́ет, и о́ному дае́т, и сему́ да́рствует, и дела́ прие́млет, и наме́рение целу́ет, и дея́ние почита́ет, и предложе́ние хва́лит. Те́мже у́бо вни́дите вси в ра́дость Го́спода своего́: и пе́рвии и втори́и, мзду приими́те. Бога́тии и убо́зии, друг со дру́гом лику́йте. Возде́ржницы и лени́вии, день почти́те. Пости́вшиися и непости́вшиися, возвесели́теся днесь. Трапе́за испо́лнена, наслади́теся вси. Теле́ц упита́нный, никто́же да изы́дет а́лчай, вси наслади́теся пи́ра ве́ры: вси восприими́те бога́тство бла́гости. Никто́же да рыда́ет убо́жества, яви́ся бо о́бщее Ца́рство. Никто́же да пла́чет прегреше́ний, проще́ние бо от гро́ба возсия́. Никто́же да убои́тся сме́рти, свободи́ бо нас Спа́сова смерть. Угаси́ ю́, И́же от нея́ держи́мый. Плени́ а́да, Соше́дый во ад. Огорчи́ его́ вкуси́вша пло́ти Его́. И сие́ предприе́мый Иса́иа возопи́: ад, глаго́лет, огорчи́ся, срет Тя до́ле. Огорчи́ся, и́бо упраздни́ся. Огорчи́ся, и́бо пору́ган бысть. Огорчи́ся, и́бо умертви́ся. Огорчи́ся, и́бо низложи́ся. Огорчи́ся, и́бо связа́ся. Прия́т те́ло, и Бо́гу прирази́ся. Прия́т зе́млю, и сре́те Не́бо. Прия́т е́же ви́дяше, и впаде́ во е́же не ви́дяше. Где твое́, сме́рте, жа́ло; где твоя́, а́де, побе́да? Воскре́се Христо́с, и ты низве́рглся еси́. Воскре́се Христо́с, и падо́ша де́мони. Воскре́се Христо́с, и ра́дуются А́нгели. Воскре́се Христо́с, и жизнь жи́тельствует. Воскре́се Христо́с, и ме́ртвый ни еди́н во гро́бе. Христо́с бо воста́в от ме́ртвых, Нача́ток усо́пших бысть. Тому́ сла́ва и держа́ва, во ве́ки веко́в. Ами́нь.

Некоторые пасхальные песнопения

Воскресе́ние Твое́, Христе́ Спа́се, а́нгели пою́т на небесе́х, и нас на земли́ сподо́би чи́стым се́рдцем Тебе́ сла́вити.

Тропарь Пасхи, глас 5:

Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в.

Ипакои Пасхи, глас 4:

Предвари́вшия у́тро я́же о Мари́и и обре́тшая ка́мень отвале́н от гро́ба, слы́шаху от А́нгела: во све́те присносу́щнем Су́щаго с ме́ртвыми что́ и́щете, я́ко челове́ка? Ви́дите гро́бныя пелены́: тецы́те и ми́ру пропове́дите, я́ко воста́ Госпо́дь, умертви́вый смерть, я́ко есть Сын Бога, спаса́ющаго род челове́ческий.

Кондак Пасхи, глас 8:

А́ще и во гроб снизше́л еси́, Безсме́ртне, но а́дову разруши́л еси́ си́лу, и воскре́сл еси́, я́ко Победи́тель, Христе́ Бо́же, жена́м мироно́сицам веща́вый: Ра́дуйтеся! и Твои́м апо́столом мир да́руяй, па́дшим подая́й Воскресе́ние.

Задостойник Пасхи, глас 1:

А́нгел вопия́ше Благода́тней: Чи́стая Де́во, ра́дуйся, и па́ки реку́: Ра́дуйся! Твой Сын воскре́се тридне́вен от гро́ба и ме́ртвыя воздви́гнувый: лю́дие весели́теся. Свети́ся, свети́ся Но́вый Иерусали́ме, сла́ва бо Госпо́дня на Тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии рождества́ Твоего.

Ексапостиларий Пасхи

Пло́тию усну́в, яко мертв, Царю́ и Го́споди, тридне́вен воскре́сл еси́, Ада́ма воздви́г от тли, и упраздни́в смерть: Па́сха нетле́ния, ми́ра спасе́ние

ПАСХАЛЬНЫЙ КАНОН, глас 1-й

Песнь 1

Ирмос: Воскресения день, просветимся людие: Пасха, Господня Пасха! От смерти бо к жизни, и от земли к Небеси, Христос Бог нас преведе, победную поющия.

Припев:

Христос воскресе из мертвых (перед каждым тропарем канона)
Очистим чувствия, и узрим неприступным светом воскресения Христа блистающася, и радуйтеся рекуща ясно да услышим, победную поюще.

Припев:

Христос воскресе из мертвых
Небеса убо достойно да веселятся, земля же да радуется, да празднует же мир, видимый же весь и невидимый: Христос бо воста, веселие вечное.

Богородичны*:

(*Припев к ним: «Пресвятая Богородице, спаси нас», или «Слава. «, «И ныне. «.)

Умерщвления предел сломила еси, вечную жизнь рождшая Христа, из гроба возсиявшаго днесь, Дево всенепорочная, и мир просветившаго. Воскресшаго видевши Сына Твоего и Бога, радуйся со апостолы, Богоблагодатная чистая: и еже радуйся первее, яко всех радости вина, восприяла еси, Богомати всенепорочная.

Песнь 3

Приидите, пиво пием новое, не от камене неплодна чудодеемое, но нетления источник, из гроба одождивша Христа, в Немже утверждаемся.

Ныне вся исполнишася света, Небо же и земля и преисподняя: да празднует убо вся тварь востание Христово, в Немже утверждается.

Вчера спогребохся Тебе, Христе, совостаю днесь воскресшу Тебе, сраспинахся Тебе вчера, Сам мя спрослави, Спасе, во Царствии Твоем.

Богородичны:

На нетленную жизнь прихожду днесь, благостию Рождшагося из Тебе, Чистая, и всем концем свет облиставшаго. Бога, Егоже родила еси плотию, из мертвых, якоже рече, воставша видевши, Чистая, ликуй, и Сего яко Бога, Пречистая, возвеличай.

Ипакои, глас 4-й:

Предварившия утро яже о Марии, и обретшия камень отвален от гроба, слышаху от Ангела: во свете присносущнем Сущаго, с мертвыми что ищете, яко человека? Видите гробныя пелены, тецыте, и миру проповедите, яко воста Господь, умертвивый смерть, яко есть Сын Бога, спасающаго род человеческий.

Песнь 4

Ирмос:

На божественней стражи, богоглаголивый Аввакум да станет с нами и покажет светоносна ангела, ясно глаголюща: днесь спасение миру, яко воскресе Христос, яко всесилен.

Мужеский убо пол, яко разверзый девственную утробу, явися Христос: яко человек же, Агнец наречеся: непорочен же, яко невкусен скверны, наша Пасха, и яко Бог истинен совершен речеся.

Яко единолетный агнец, благословенный нам венец Христос, волею за всех заклан бысть, Пасха чистительная, и паки из гроба красное правды нам возсия Солнце.

Богоотец убо Давид, пред сенным ковчегом скакаше играя, людие же Божии святии, образов сбытие зряще, веселимся божественне, яко воскресе Христос, яко всесилен.

Богородичны: Создавый Адама, Твоего праотца, Чистая, зиждется от Тебе, и смертное жилище разори Своею смертию днесь, и озари вся божественными блистаньми воскресения. Егоже родила еси Христа, прекрасно из мертвых возсиявша, Чистая, зрящи, добрая и непорочная в женах и красная, днесь во спасение всех, со апостолы радующися, Того прославляй.

Песнь 5

Утренюем утреннюю глубоку, и вместо мира песнь принесем Владыце, и Христа узрим, Правды Солнце, всем жизнь возсияюща.

Безмерное Твое благоутробие адовыми узами содержимии зряще, к свету идяху Христе, веселыми ногами, Пасху хваляще вечную.

Приступим, свещеноснии, исходящу Христу из гроба яко жениху, и спразднуим любопразднственными чинми Пасху Божию спасительную.

Богородичны:

Просвещается божественными лучами и живоносными воскресения Сына Твоего, Богомати Пречистая, и радости исполняется благочестивых собрание. Не разверзл еси врата девства в воплощении, гроба не разрушил еси печатей, Царю создания: отонудуже воскресшаго Тя зрящи, Мати радовашеся.

Песнь 6

Ирмос:

Снизшел еси в преисподняя земли и сокрушил еси вереи вечныя, содержащия связанныя Христе, и тридневен, яко от кита Иона, воскресл еси от гроба.

Читать еще:  Пророк илия для детей

Сохранив цела знамения, Христе, воскресл еси от гроба, ключи Девы невредивый в рождестве Твоем, и отверзл еси нам райския двери.

Спасе мой, живое же и нежертвенное заколение, яко Бог Сам Себе волею привед Отцу, совоскресил еси всероднаго Адама, воскрес от гроба.

Богородичны:

Возведеся древле держимое смертию и тлением, Воплотившимся от Твоего пречистаго чрева, к нетленней и присносущней жизни, Богородице Дево. Сниде в преисподняя земли, в ложесна Твоя, Чистая, cшедый, и вселивыйся и воплотивыйся паче ума, и воздвиже с Собою Адама, воскрес от гроба.

Кондак, глас 8-й

Аще и во гроб снизшел еси, Безсмертне, но адову разрушил еси силу, и воскресл еси яко победитель, Христе Боже, женам мироносицам вещавый: радуйтеся, и Твоим апостолом мир даруяй, падшим подаяй воскресение.

Еже прежде солнца, Солнце зашедшее иногда во гроб, предвариша ко утру, ищущия яко дне мироносицы девы, и друга ко друзей вопияху: О другини! приидите, вонями помажем тело живоносное и погребенное, плоть Воскресившаго падшаго Адама, лежащую во гробе. Идем, потщимся якоже волсви, и поклонимся, и принесем мира яко дары, не в пеленах, но в плащанице Обвитому, и плачим, и возопиим: о Владыко, востани, падшим подаяй воскресение.

Воскресение Христово видевше, поклонимся Святому Господу Иисусу, Единому безгрешному, Кресту Твоему покланяемся, Христе, и святое воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову воскресению: се, бо прииде Крестом радость всему миру. Всегда благословяще Господа, поем воскресение Его: распятие бо претерпев, смертию смерть разруши. (Трижды)

Воскрес Иисус от гроба, якоже прорече, даде нам живот вечный и велию милость. (Трижды)

Песнь 7

Отроки от пещи избавивый, быв человек, страждет яко смертен, и страстию смертное в нетления облачит благолепие, Един благословен отцев Бог, и препрославлен.

Жены с миры богомудрыя в след Тебе течаху: Егоже яко мертва со слезами искаху, поклонишася радующияся Живому Богу, и Пасху тайную Твоим, Христе, учеником благовестиша.

Смерти празднуем умерщвление, адово разрушение, иного жития вечнаго начало, и играюще поем Виновнаго, единаго благословеннаго отцев Бога и препрославленнаго.

Яко воистинну священная и всепразднственная, сия спасительная нощь, и светозарная, светоноснаго дне, востания сущи провозвестница: в нейже безлетный Свет из гроба плотски всем возсия.

Богородичны:

Умертвив Сын Твой смерть, Всенепорочная, днесь, всем смертным пребывающий живот во веки веков дарова, Един благословенный отцев Бог и препрославленный. Всем царствуяй созданием, быв человек, вселися в Твою, Богоблагодатная, утробу, и распятие претерпев и смерть, воскресе боголепно, совозставив нас яко всесилен.

Песнь 8

Сей нареченный и святый день, един суббот Царь и Господь, праздников праздник, и торжество есть торжеств: в оньже благословим Христа во веки.

Приидите, новаго винограда рождения, божественнаго веселия, в нарочитом дни воскресения, Царствия Христова приобщимся, поюще Его яко Бога во веки.

Возведи окрест очи твои, Сионе, и виждь: се бо приидоша к тебе, яко богосветлая светила, от запада, и севера, и моря, и востока чада твоя, в тебе благословящая Христа во веки.

Троичен:

Пресвятая Троице Боже наш, слава Тебе. Отче Вседержителю, и Слове, и Душе, треми соединяемое во ипостасех Естество, Пресущественне и Пребожественне, в Тя крестихомся, и Тя благословим во вся веки.

Богородичны:

Прииде Тобою в мир Господь, Дево Богородице, и чрево адово расторг, смертным нам воскресение дарова: темже благословим Его во веки. Всю низложив смерти державу Сын Твой, Дево, Своим воскресением, яко Бог крепкий совознесе нас и обожи: темже воспеваем Его во веки.

Песнь 9

Припев:

Величит душа моя воскресшаго тридневно от гроба Христа Жизнодавца.

Ирмос:

Светися, светися, новый Иерусалиме: слава бо Господня на тебе возсия, ликуй ныне, и веселися, Сионе! Ты же, Чистая, красуйся, Богородице, о востании Рождества Твоего.

Припев:

Христос новая Пасха, жертва живая, Агнец Божий, вземляй грехи мира.

О, божественнаго! О, любезнаго! О, сладчайшаго Твоего гласа! С нами бо неложно обещался еси быти, до скончания века, Христе, Егоже вернии, утверждение надежды имуще, радуемся.

Припев:

Ангел вопияше Благодатней: чистая Дево, радуйся, и паки реку, радуйся! Твой Сын воскресе тридневен от гроба, и мертвыя воздвигнувый, людие, веселитеся.

О, Пасха велия и священнейшая, Христе! О мудросте, и Слове Божий, и Cило! Подавай нам истее Тебе причащатися, в невечернем дни Царствия Твоего.

Богородичны:

Согласно, Дево, Тебе блажим вернии: радуйся, двере Господня, радуйся граде одушевленный; радуйся, Еяже ради нам ныне возсия свет из Тебе Рожденнаго из мертвых воскресения. Веселися и радуйся, божественная двере Света: зашедый бо Иисус во гроб, возсия, просияв солнца светлее, и верныя вся озарив, богорадованная Владычице.

Ексапостиларий самогласен

Плотию уснув, яко мертв, Царю и Господи, тридневен воскресл еси, Адама воздвиг от тли, и упразднив смерть: Пасха нетления, мира спасение. (Трижды)

СТИХИРЫ ПАСХИ

Стих: Да воскреснет Бог, и расточатся врази Его.

Пасха священная нам днесь показася: Пасха нова святая, Пасха таинственная, Пасха всечестная, Пасха Христос Избавитель, Пасха непорочная, Пасха великая, Пасха верных, Пасха двери райския нам отверзающая, Пасха всех освящающая верных.

Стих: Яко исчезает дым, да исчезнут.

Приидите от видения жены благовестницы, и Сиону рцыте: приими от нас радости благовещения воскресения Христова; красуйся, ликуй и радуйся, Иерусалиме, Царя Христа узрев из гроба яко жениха, происходяща.

Тако да погибнут грешницы от лица Божия, а праведницы да возвеселятся.

Мироносицы жены, утру глубоку, представша гробу Живодавца, обретоша ангела, на камени седяща, и той провещав им сице глаголаше: что ищете Живаго с мертвыми? Что плачете Нетленнаго во тли? Шедше проповедите учеником Его.

Сей день, егоже сотвори Господь, возрадуемся и возвеселимся в онь.

Пасха красная, Пасха, Господня Пасха! Пасха всечестная нам возсия! Пасха! Радостию друг друга обымем. О Пасха!Избавление скорби, ибо из гроба днесь яко от чертога возсияв Христос, жены радости исполни глаголя: проповедите апостолом.

Слава, и ныне:

Воскресения день, и просветимся торжеством, и друг друга обымем. Рцем, братие, и ненавидящим нас, простим вся воскресением, и тако возопиим:

Песнопения Святой Пасхи — Светлого Христова Воскресения

Начальная стихира Воскресная, глас 6:

Воскресе́ние Твое́, Христе́ Спа́се, / А́нгели пою́т на небесе́х, / и нас на земли́ сподо́би / чи́стым се́рдцем / Тебе́ сла́вити.

Тропарь Пасхи, во глас 5:

Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в.

Пасхальное начало:

Первый стих: Да воскре́снет Бог, / и расточа́тся врази́ Его́.

И на кийждо стих поем тропарь: Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. (единожды).

Вторый стих: Я́ко исчеза́ет дым, / да исче́знут.

Христо́с воскре́се: (единожды).

Третий стих: Та́ко да поги́бнут гре́шницы от Лица́ Бо́жия, / а пра́ведницы да возвеселя́тся.

Христо́с воскре́се: (единожды).

Четвертый стих: Сей день, его́же сотвори́ Госпо́дь, / возра́дуемся и возвесели́мся в онь.

Христо́с воскре́се: (единожды).

Слава: Христо́с воскре́се: (единожды).

И ныне: Христо́с воскре́се: (единожды).

Таже вышшим гласом: Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в.

Кондак, глас 8:

А́ще и во гроб снизше́л еси́, Безсме́ртне, / но а́дову разруши́л еси́ си́лу, / и воскре́сл еси́, я́ко победитель, Христе́ Бо́же, / жена́м мироно́сицам веща́вый: ра́дуйтеся, / и Твои́м апо́столом мир да́руяй, / па́дшим подая́й воскресе́ние.

Задостойник Пасхи:

А́нгел вопия́ше Благода́тней: / Чи́стая Де́во, ра́дуйся! / И па́ки реку́: ра́дуйся! / Твой Сын воскре́се / тридне́вен от гро́ба, / и ме́ртвыя воздви́гнувый, / лю́дие, весели́теся.

Свети́ся, свети́ся, / но́вый Иерусали́ме, / сла́ва бо Госпо́дня / на тебе́ возсия́. / Лику́й ны́не / и весели́ся, Сио́не. / Ты же, Чи́стая, красу́йся, Богоро́дице, / о воста́нии Рождества́ Твоего́.

Стихиры Пасхи. Глас 5.

Стих: Да воскре́снет Бог, / и расточа́тся врази́ Его́.

Па́сха / свяще́нная нам днесь показа́ся; / Па́сха но́ва свята́я; / Па́сха та́инственная; / Па́сха всечестна́я. / Па́сха Христо́с Изба́витель; / Па́сха непоро́чная; / Па́сха вели́кая; / Па́сха ве́рных. / Па́сха две́ри ра́йския нам отверза́ющая. / Па́сха всех освяща́ющая ве́рных.

Стих: Я́ко исчеза́ет дым, / да исче́знут.

Прииди́те / от виде́ния жены́ благове́стницы, / и Сио́ну рцы́те: / приими́ / от нас ра́дости благове́щения, Воскресе́ния Христо́ва: / красу́йся, лику́й / и ра́дуйся, Иерусали́ме, / Царя́ Христа́ узре́в из гро́ба, / я́ко жениха́ происходя́ща.

Стих: Та́ко да поги́бнут гре́шницы от Лица́ Бо́жия, / а пра́ведницы да возвеселя́тся.

Мироно́сицы жены́, / у́тру глубоку́, / предста́вша гро́бу Живода́вца, / обрето́ша А́нгела / на ка́мени седя́ща, / и той провеща́в им, / си́це глаго́лаше: / что и́щете Жива́го с ме́ртвыми; / что пла́чете Нетле́ннаго во тли? / Ше́дше, пропове́дите ученико́м Его́.

Стих: Сей день, его́же сотвори Госпо́дь, / возра́дуемся и возвесели́мся в онь.

Па́сха кра́сная, / Па́сха, Госпо́дня Па́сха! / Па́сха всечестна́я / нам возсия́. Па́сха, / ра́достию друг дру́га обы́мем. / О Па́сха! / Избавле́ние ско́рби, / и́бо из гро́ба днесь, / я́ко от черто́га / возсия́в Христо́с, / жены́ ра́дости испо́лни, глаго́ля: / пропове́дите апо́столом.

Слава, и ныне, глас 5:

Воскресе́ния день, / и просвети́мся торжество́м, / и друг дру́га обы́мем. / Рцем бра́тие, / и ненави́дящим нас, / прости́м вся Воскресе́нием, / и та́ко возопии́м: / Христо́с воскре́се из ме́ртвых, / сме́ртию смерть попра́в, / и су́щим во гробе́х живо́т дарова́в.

Иже во святых отца нашего Иоанна, Архиепископа Константинопольскаго, Златоустаго, слово Огласительное во святый и светоносный день преславнаго и спасительнаго Христа Бога нашего Воскресения.

А́ще кто благочести́в и боголюби́в, да наслади́тся сего́ до́браго и све́тлаго торжества́. А́ще кто раб благоразу́мный, да вни́дет ра́дуяся в ра́дость Го́спода своего́. А́ще кто потруди́ся постя́ся, да восприи́мет ны́не дина́рий. А́ще кто от пе́рваго часа́ де́лал есть, да прии́мет днесь пра́ведный долг. А́ще кто по тре́тием часе́ прии́де, благодаря́ да пра́зднует. А́ще кто по шесто́м часе́ дости́же, ничто́же да сумни́тся, и́бо ничи́мже отщетева́ется. А́ще кто лиши́ся и девя́таго часа́, да присту́пит, ничто́же сумня́ся, ничто́же боя́ся. А́ще кто то́чию дости́же, и во единонадеся́тый час, да не устраши́тся замедле́ния: любочести́в бо Сый Влады́ка, прие́млет после́дняго я́коже и пе́рваго: упокоева́ет в единонадеся́тый час прише́дшаго, я́коже де́лавшаго от пе́рваго часа́. И после́дняго ми́лует, и пе́рвому угожда́ет, и о́ному дае́т, и сему́ да́рствует, и дела́ прие́млет, и наме́рение целу́ет, и дея́ние почита́ет, и предложе́ние хва́лит. Те́мже у́бо вни́дите вси в ра́дость Го́спода своего́: и пе́рвии и втори́и, мзду приими́те. Бога́тии и убо́зии, друг со дру́гом лику́йте. Возде́ржницы и лени́вии, день почти́те. Пости́вшиися и непости́вшиися, возвесели́теся днесь. Трапе́за испо́лнена, наслади́теся вси. Теле́ц упита́нный, никто́же да изы́дет а́лчай, вси наслади́теся пи́ра ве́ры: вси восприими́те бога́тство бла́гости. Никто́же да рыда́ет убо́жества, яви́ся бо о́бщее Ца́рство. Никто́же да пла́чет прегреше́ний, проще́ние бо от гро́ба возсия́. Никто́же да убои́тся сме́рти, свободи́ бо нас Спа́сова смерть. Угаси́ ю́, И́же от нея́ держи́мый. Плени́ а́да, Соше́дый во ад. Огорчи́ его́ вкуси́вша пло́ти Его́. И сие́ предприе́мый Иса́иа возопи́: ад, глаго́лет, огорчи́ся, срет Тя до́ле. Огорчи́ся, и́бо упраздни́ся. Огорчи́ся, и́бо пору́ган бысть. Огорчи́ся, и́бо умертви́ся. Огорчи́ся, и́бо низложи́ся. Огорчи́ся, и́бо связа́ся. Прия́т те́ло, и Бо́гу прирази́ся. Прия́т зе́млю, и сре́те Не́бо. Прия́т е́же ви́дяше, и впаде́ во е́же не ви́дяше. Где твое́, сме́рте, жа́ло; где твоя́, а́де, побе́да? Воскре́се Христо́с, и ты низве́рглся еси́. Воскре́се Христо́с, и падо́ша де́мони. Воскре́се Христо́с, и ра́дуются А́нгели. Воскре́се Христо́с, и жизнь жи́тельствует. Воскре́се Христо́с, и ме́ртвый ни еди́н во гро́бе. Христо́с бо воста́в от ме́ртвых, Нача́ток усо́пших бысть. Тому́ сла́ва и держа́ва, во ве́ки веко́в. Ами́нь.

Народные версии тропаря Пасхи «Христос воскресе» в смоленском Поднепровье

Ц ерковный тропарь Пасхи «Христос воскресе» – обиходное песнопение русского православного богослужения – существует не только в богослужебной, но и в народной певческой практике, что зафиксировано фольклорными экспедициями РАМ им. Гнесиных в 80–90-е годы XX века. Записано около 150 исполнений тропаря народными певицами и беседы с ними об обрядовом и бытовом контексте пения тропаря. Он стал на Смоленщине музыкальным знаком пасхального сезона и вобрал в себя черты местного песенного фольклора.

Тропарь Пасхи прочно вошел в календарные обряды пасхальной недели, Радуницы, дня Жён-мироносиц, Егорьева дня, Вознесенья, а также в похоронный обряд. Специфика традиций смоленского Поднепровья заключается в существовании в каждом селе нескольких народных музыкальных версий тропаря.

Тропарь Пасхи «Христос воскресе» – обиходное песнопение православного богослужения – бытует не только в церковной, но и в народной музыкальной практике. В этих условиях он впервые был записан на Смоленщине фольклорными экспедициями РАМ им. Гнесиных в 80-е годы XX века. Народные версии тропаря фиксировались на этой территории систематически. В целом сделано около полутора сотен звукозаписей тропаря в народной интерпретации, а также бесед с народными исполнителями об условиях его звучания.

Читать еще:  Праздник пасхи в германии

В народной традиции, как и в церковной практике, тропарь «Христос воскресе» исполнялся в течение всего пасхального сезона – от Пасхи до Вознесения. Его пели в любой обстановке: расхаживая по улицам села, по дороге на поле или с поля, в домах, во время работ и праздничных застолий. Тропарь является частью музыкального оформления всех обрядов этого периода: «Христа кричали от Пасхи до Вознесення. Утром идём в церковь, а от церкви – Христа кричим. От церкви и до дома эта как паложена – шесть недель до Вознесення, сорок дней от Пасхи вот эта толька и пели, всё время: и скорóдють, и с поля идуть. Где б ни сабирались – па адиночке, в общем ли – этих сорок дней адна эта и была песня» (д. Всходы Угранского р-на), «Кругом жита хадили на Ушесстя (Ушесстя же впереди Духа!) На Ушесстя хадили, значить, кругом жита. Кагда кругом жита шли, тоже кричели Христа. Вот на Ушесстя толька до абеда паложена Христа кричать» (д. Замошье Ельнинского р-на).

Исполнителями тропаря были преимущественно женщины, те, за которыми в данной местности закреплена привилегия пения календарных песен. В основном пели ансамблями, но могли петь и соло (например, во время какой-либо работы). В подавляющем большинстве смоленских сел пение тропаря обозначают термином Христа кричать, что ярко отражает манеру интонирования, сходную с календарной: пение напряженным, зычным звуком: «На улице вон сабираемся, становимся и на всю улицу, на всю деревню кричим «Христос воскресе». Далеко слышна!» (с. Белый Холм Глинковского р-на). Кроме того, существуют народные термины играть, славить, кликать, величать, петь Христа. Кое-где пение тропаря обозначают глаголом куралесить.

На данной территории тропарь «Христос воскресе» органично вошел во все обряды пасхального периода, функционируя в них сходным с песнями образом. Так, тропарь пели во время пасхальных волочёбных обходов дворов, ношения икон по дворам одной или нескольких соседних деревень в течение всего пасхального сезона. При этом исполнители могли делиться на две группы и попеременно петь тропарь и волочёбные песни или две разные версии тропаря – мужскую и женскую: «Сначала пають «Христос воскресе» три раза, а патом валачёбную «Ходил Христос сам по земле», патом апять «Христос воскресе». Толька нада спеть «Христос воскресе» три раза. Ета и на кладбище пають, и валачёбную тоже на кладбище пають! И па дварах! Па валачёбных три раза паются» (с. Белый Холм Глинковского р-на). «В васкресенье на Пасху хадили с иконами, «Христос воскресе» пели. Делились папалам: то мужчины, то женщины. И пака идуть, всё время пають» (д. Залужье Кардымовского р-на).

Активно звучал тропарь и на Радуницу, главным событием которой было массовое посещение кладбища с целью помина родителей. По приходе на кладбище жители совершали его троекратный обход с пением тропаря «Христос воскресе», после чего вешали на кресты новые самотканые вышитые полотенца, накрывали могилы скатертями, ставили на них поминальную еду и трапезовали. Тропарь пели и небольшим составом – своей семьей – на могилах родственников. «Раньше тра раза абхадили кругом кладбища на паминальный день и пели «Христос воскресе». А этат паминальный день радителей паминают – Радуница радашная» (д. Замошье Кардымовского р-на). Зафиксировано и свидетельство о пении тропаря на женском гулянии в день Жён-мироносиц. В этом случае тропарь открывал гулянье.

Различные ритуальные действия, совершаемые в Егорьев день, также сопровождались пением тропаря. Так, на Смоленщине обход стада коров в этот день на выгоне или в поле совершался коллективно хозяевами скота совместно с церковнослужителями. В обходе участвовал и пастух. Во время обхода кричали Христа, стреляли из ружья, перекидывали через стадо пасхальные яйца. «А скот на Ягорья выганяють. Как раз на Ягорья выганяють и Христа пéють. Так ходють кругом скота и кричать Христа» (с. Старое Село Сафоновского р-на). «Одна женщина с иконкой идёт кругом скота, ага. Человек пять-шесть идуть, «Христос» поють. Аж на две партии поють! Делимся на две партии: мы кончаем, эти начинають. Без перярыва! Пакудава круг сделають. Старинный признак, чтоб скот, говорят, ўместе ходил и никуда не разболталси» (д. Дубьё Демидовского р-на).

Второй егорьевский ритуальный комплекс связан с земледельческим циклом. Во время обходов полей с иконой жители сел пели различные церковные молитвы, специальные егорьевские песни и тропарь «Христос воскресе». Последний раз клин жита с пением тропаря обходили на Вознесение. Тропарь «Христос воскресе» входил не только в календарные, но и в окказиональные обряды, совершавшиеся в пасхальный период, среди которых вызывание дождя, защита посевов от вредителей и проч. Он также исполнялся на похоронах и поминках в это время.

Во всех перечисленных обрядах причудливо переплелись языческие и христианские представления. Звучание тропаря «Христос воскресе» на протяжении всего пасхального периода придает ему значение музыкального знака сезона наряду с календарными песнями. Во многих обрядах тропарь исполнялся параллельно с календарными песнями – веснянками, волочёбными, духовскими, майскими. В ряде традиций тропарь Пасхи и календарная песня могли звучать одновременно: исполнители делились на две партии, одна из которых пела песню, а другая – тропарь. Это называлось петь наперябив. Иногда пели наперямену, когда партии менялись напевами при одновременном их звучании.

Все фольклорные версии тропаря ориентированы на его обиходный церковный напев. Он многократно звучит в определенные уставом моменты богослужений. Почти в каждой деревне исполнители знают не один, а два или даже три его напева (по народной терминологии – гóлоса), различая их как женский и мужской или церковный и деревенский, или обычный и по покойнику. «Бывала, ва всех канцах кричат «Христос воскресе». Па-разнаму! Аны слова усе одны, а мотивы уже разные: мужчина – он па-мужски, мужчина не может са мной спеться! А я – на свой, ну, женский. И всё!» (д. Садовая Дорогобужского р-на). «Христа кричали на два голаса: и как в деревне, и как в церкви» (д. Мазово Ельнинского р-на).

От церковного распева народные версии тропаря отличает, прежде всего, многоголосие. Если для церковного напева характерно гармоническое соотношение голосов, то в народной интерпретации тропарь звучит в гетерофонной фактуре, когда все исполнители поют одну мелодию, по-разному ее варьируя. Эта мелодия ориентирована на партию басового голоса церковного напева. В народных версиях также очевидна своеобразная трактовка лада, ритмики и мелодики обиходного распева. В мелодическом отношении весь корпус смоленских народных версий тропаря предстает как некий калейдоскоп напевов, в которых в качестве значимых признаков могут выступать разные мелодические и гармонические детали.

В народной традиции, как и в церковной, тропарь поется, как правило, троекратно. Но в некоторых обрядовых ситуациях (например, при ношении икон) его звучание заполняет весьма длительное время всего ритуала.

Канонический текст тропаря почти не изменяется, если не считать его диалектного произношения. Кроме того, к нему могут быть добавлены припевы народного происхождения. Например:

Светлое Воскресение, Богово Вознесение,

Как тебя выпевати, Христа Бога величати?

На Смоленщине записано четыре разных текста припевов.

Традиция исполнения тропаря Пасхи вне храма до сих пор жива в смоленском Поднепровье, хотя количество ситуаций исполнения значительно сократилось. Записи народных версий тропаря и беседы со смолянами позволяют реконструировать яркую, живую картину его функционирования в данной традиции даже в советское время. Все звукозаписи тропаря Пасхи хранятся в архиве Проблемной научно-исследовательской лаборатории по изучению традиционных музыкальных культур РАМ им. Гнесиных.

Пасхальный тропарь христос воскресе

(Поется на Крестном ходе)

В оскресение Твое, Христе Спасе,/ Ангелы поют на небесех,/ и нас на земли сподоби/ чистым сердцем// Тебе славити.

Тропарь Пасхи, глас 5:

Х ристос воскресе из мертвых,/ смертию смерть поправ// и сущим во гробех живот даровав.

Кондак Пасхи, глас 8:

А ще и во гроб снизшел еси, Безсмертне,/ но адову разрушил еси силу/ и воскресл еси, яко Победитель, Христе Боже,/ женам мироносицам вещавый: радуйтеся!/ и Твоим апостолам мир даруяй,// падшим подаяй воскресение.

Задостойник, глас 1:

А нгел вопияше Благодатней:/ Чистая Дево, радуйся!/ И паки реку: радуйся!/ Твой Сын воскресе/ тридневен от гроба/ и мертвыя воздвигнувый:// людие, веселитеся.

С ветися, светися,/ Новый Иерусалиме:/ слава бо Господня/ на тебе возсия./ Ликуй ныне/ и веселися, Сионе./ Ты же, Чистая, красуйся, Богородице,// о востании Рождества Твоего.

Ексапостиларий:

П лотию уснув,/ яко мертв,/ Царю и Господи,/ тридневен воскресл еси,/ Адама воздвиг от тли,/ и упразднив смерть:/ Пасха нетления,/ мира спасение.

Стихиры Святой Пасхи

П асха/ священная нам днесь показася:/ Пасха нова святая,/ Пасха таинственная,/ Пасха всечестная,/ Пасха Христос Избавитель,/ Пасха непорочная,/ Пасха великая,/ Пасха верных,/ Пасха двери райские нам отверзающая,// Пасха всех освящающая верных.

Стих: Яко изчезает дым, да исчезнут.

П риидите/ от видения жены благовестницы,/ и Сиону рцыте:/ приими от нас радости благовещения Воскресения Христова;/ красуйся, ликуй/ и радуйся, Иерусалиме,/ Царя Христа узрев из гроба,// яко Жениха происходяща.

Стих: Тако да погибнут грешницы от лица Божия, а праведницы да возвеселятся.

М ироносицы жены,/ утру глубоку,/ представша гробу Живодавца,/ обретоша Ангела,/ на камени седяща,/ и той провещав им,/ сице глаголаше:/ что ищете Живаго с мертвыми?/ Что плачете Нетленнаго во тли?// Шедше проповедите учеником Его.

Стих: Сей день, егоже сотвори Господь, возрадуемся и возвеселимся в онь.

П асха красная,/ Пасха, Господня Пасха!/ Пасха всечестная/ нам возсия./ Пасха!/ Радостию друг друга обымем!/ О Пасха!/ Избавление скорби,/ ибо из гроба днесь/ яко от чертога/ возсияв Христос,/ жены радости исполни, глаголя:// проповедите апостолом.

С лава Отцу и Сыну и Святому Духу, и ныне и присно и во веки веков. Аминь.

В оскресения день,/ и просветимся торжеством,/ и друг друга обымем,/ рцем: братие!/ И ненавидящим нас/ простим вся Воскресением,/ и тако возопиим:/ Христос воскресе из мертвых,/ смертию смерть поправ// и сущим во гробех живот даровав.

Часы Святой Пасхи

Х ристос воскресе из мертвых,/ смертию смерть поправ,// и сущим во гробех живот даровав. (Трижды)

В оскресение Христово видевше,/ поклонимся Святому Господу Иисусу,/ Единому Безгрешному./ Кресту Твоему покланяемся, Христе,/ и Святое Воскресение Твое поем и славим:/ Ты бо еси Бог наш,/ разве Тебе иного не знаем,/ имя Твое именуем./ Приидите, вси вернии,/ поклонимся Святому Христову Воскресению:/ се бо прииде Крестом радость всему миру./ Всегда благословяще Господа,/ поем Воскресение Его:/ распятие бо претерпев,// смертию смерть разруши. (Трижды)

Ипакои, глас 4:

П редварившия утро яже о Марии,/ и обретшия камень отвален от гроба,/ слышаху от Ангела: во свете присносущнем Сущаго/ с мертвыми что ищете, яко человека?/ Видите гробныя пелены, тецыте и миру проповедите,/ яко воста Господь, умертвивый смерть,// яко есть Сын Бога, спасающаго род человеческий.

Кондак, глас 8:

А ще и во гроб снизшел еси, Безсмертне,/ но адову разрушил еси силу,/ и воскресл еси, яко Победитель, Христе Боже,/ женам мироносицам вещавый: радуйтеся!/ и Твоим апостолом мир даруяй,// падшим подаяй воскресение.

В о гробе плотски, во аде же с душею, яко Бог,/ в раи же с разбойником и на Престоле был еси, Христе, со Отцем и Духом,// вся исполняяй, Неописанный.

Слава Отцу и Сыну и Святому Духу.

Я ко живоносец, яко рая краснейший,/ воистину и чертога всякаго царского показася светлейший, Христе, гроб Твой,// источник нашего воскресения.

И ныне и присно и во веки веков. Аминь.

В ышняго освященное Божественное селение, радуйся,/ Тобою бо дадеся радость, Богородице, зовущим:// Благословенна Ты в женах еси, Всенепорочная Владычице.

Г осподи, помилуй. (40 раз)

С лава Отцу и Сыну и Святому Духу,// и ныне и присно и во веки веков. Аминь.

Ч естнейшую Херувим/ и славнейшую без сравнения Серафим,/ без истления Бога Слова родшую,// сущую Богородицу Тя величаем.

Х ристос воскресе из мертвых,/ смертию смерть поправ,// и сущим во гробех живот даровав. (Трижды)

Ссылка на основную публикацию
Adblock
detector